कोण म्हणतं महागाई वाढली आहे ?
होर्डिंगखाली 17 व पोर्षे खाली 2 जीव दीड दमडी सारखे चिरडले गेले पाहिलं नाही का तुम्ही ?
धनाढ्यासाठी न्याय - पोलीस व्यवस्था दीड दमडीची तर न्याय - पोलिस व्यवस्थेसाठी सामान्य जनता दीड दमडीची !
कोण म्हणतं महागाई वाढली आहे ?
पक्ष अध्यक्षासाठी नेते दीड दमडीचे, नेत्यांसाठी कार्यकर्ते दीड दमडीचे , कार्यकर्त्यांसाठी स्वाभिमान दीड दमडीचा !
कालपण - आजपण !
कोण म्हणतं महागाई वाढली आहे !
भ्रष्ट ज्ञान मंदिरासाठी विद्यार्थी दीड दमडीचे तर भ्रष्ट विद्यार्थ्यांसाठी ज्ञान दीड दमडीचे !
भ्रष्ट मालकांसाठी कामगार दीड दमडीचा तर संसाराचा गाडा ओढणाऱ्या कामगारांसाठी स्वतःचा जीव दीड दमडीचा !
कोण म्हणतं महागाई वाढली आहे !
जमिनीच्या तुकड्यापुढे रक्ताची नाती दीड दमडीची !
हुंडा - वंशाचा दिवा - मान देत डेट नाही सून दीड दमडीची !
डिग्री होल्डर सुनेसाठी सासू - सासरे दीड दीड दमडीचे !
वृद्ध आश्रमात राहणाऱ्या आई बापासाठी लेकरांची माया दीड दमडीची !
कोण म्हणतं महागाई वाढली आहे !
भेसळ करणाऱ्या व्यापाऱ्यांसाठी ग्राहक दीड दमडीचा !
भ्रष्ट रुग्णालयासाठी रुग्ण दीड दमडीचा !
बुवा-बाबासाठी भक्त दीड दमडीचे तर भक्तासाठी संतवचने दीड दमडीचे !
कोण म्हणत महागाई वाढली आहे ?
भ्रष्ट करमणूककारांसाठी प्रेक्षक दीड दीड दमडीचे !
भ्रष्ट खेळाडूसाठी खेळ दीड दमडीचा !
नशा व्यापार्यासाठी समाज दीड दमडीचा !
समाजासाठी नैतिकता दीड दमडीची !
कोण म्हणत महागाई वाढली आहे ?
जातीयवाद - धर्मवाद - प्रांतवाद - भाषावाद - यांच्य्यापुढे राष्ट्रहित दीड दमडीचे !
राष्ट्रद्रोह्यासाठी वीरांच बलिदान दीड दमडीच !
कोण म्हणत महागाई वाढली आहे !
इथे सगळ दीड दमडीच तर आहे ! काल पण आजपण ! कोण म्हणत महागाई वाढली आहे ?
गणेश किशोर अवस्थी
दिनांक
२९ में २०२४
0 Comments